100% MADE IN HONG KONG 創新麵包👍

#Elsie帶你食|🇭🇰|君蘭麵包廠 📍銅鑼灣東角道26號怡安大廈地下6-8號舖 🚗交通:銅鑼灣站 E出口 行5分鐘 —————————————— 身為麵包控嘅我 好開心咁發現左 君蘭麵包廠 正式進駐銅鑼灣🤤🙌 呢間麵包舖超正 每日由師傅新鮮焗製,100% MADE IN HONG KONG!仲有多款新派菠蘿包､牛角包登場,款款都有不同味道 仲有樓上雅座 外賣又得 即時坐底食又得! 🔖波蘿牛角酥 HKD22 推薦指數:5/5 😍😍😍呢個真係好好食 佢係我心目中No1 平時菠蘿皮食菠蘿包就多 但原來加埋落牛角酥上面一齊係可以咁夾 好有驚喜! 🔖Tiramisu牛角酥 HKD22 推薦指數:5/5 佢個Tiramisu係帶有少少重咖啡味 係我鍾意嘅Tiramisu味 啲Cream係牛角酥上面嘅份量剛剛好 甜甜嘅牛角酥好好食~ 🔖真·菠蘿包 HKD20 推薦指數:4/5 好可愛的名字😂 平時菠蘿包無菠蘿 但佢真係有菠蘿 但菠蘿包比起牛角酥無咁有驚喜 因為我比較鍾意菠蘿皮係脆而鬆化 但呢個菠蘿皮則比較實正 鬆化感唔算好重 但菠蘿嘅酸甜提升左成個包 🔖黑糖麻糬菠蘿包 HKD20 推薦指數:4/5 第一啖入口覺得偏甜 但食落其實係可接受範圍🤭 而且越食越吸引 因為黑糖麻糬煙煙韌韌 加上佢入面仲有黑糖Cream 令到成個包有啲似變黑糖包但加左唔算好脆嘅菠蘿皮 🔖黑芝麻麻糬菠蘿包 HKD22 推薦指數:4/5 雖然呢個都係有麻糬 但呢款係普通麻糬 純粹有煙煙韌韌嘅感覺 增加左口感 好少食黑芝麻味包嘅我 覺得佢成個味好新奇 佢菠蘿包入面仲有黑芝麻Cream 比我感覺就係好似比較潔身嘅芝麻糊 但都好神奇地覺得呢個配搭都唔錯喎! 🔖傳統老婆餅(一袋3舊)HKD32 推薦指數:4/5 除左試左啲新鮮出爐麵包 見到佢仲有啲中式餅 身為餅愛好者嘅我 梗係都唔放過 老婆餅嘅外皮層 而且好香脆一啖即碎到成地咁 佢入面嘅冬蓉又唔算好甜 Good! #蛋糕#撻#窩夫#梳乎厘#PANCAKE#鬆餅#Dessert#求好旅友#ucreator#香港美食#打卡美食#hkfoodie#生活足跡#食勻全世界#foodiehk#麵包#麵包控#菠蘿包#牛角酥#foodies#foodie#kol#君蘭麵包廠#特色#好食#銅鑼灣美食#銅鑼灣好去處#銅鑼灣美食#老婆餅#以油養膚#blogger#cp值高